Recipes Products How to's Our Story Community Cookery Books Shop
Recipes Products How to's Our Story Community Cookery Books Shop
Recipes Fritters & Frittatas He Kao Kūtai

He Kao Kūtai

You can also find this recipe in English: Mussel Fritters

4
Tohanga
40
Meneti
(2)
Login to Favourites Print
He Kao Kūtai

Ngā Kīnaki

  • Kia 3 kirokaramu o te kūtai māota kei rō kota tonu, kua horoia, ko ngā kumikumi kua hīkarotia atu
  • Kia 3 ngā hēki, ko te tōhua me te kahu kua whakawehea
  • Kia 1 te kapu miraka
  • Kia 1 te aniana whero, kua kotikotia rauangitia
  • Kia 3 ngā kokonui pāhiri, koriana rānei kua kotikotia (he kōwhiringa)
  • Kia 1 te kapu o tā Edmonds puehu parāoa kounga
  • Kia 1 te kokoiti o tā Edmonds pēkena paura
  • Kia 1 te kokoiti tote
  • Kia ¼ o te kokoiti pepa
  • Kia ½ o te kapu hinu huawhenua, kanōra rānei
  • He kahi rēmana, mō te wā kai (he kōwhiringa)

Tukanga

  1. Pāeratia he kapu wai e 2½ ki tētahi kōhua waitunu nui, ka āpiti atu ai i ngā kūtai.
  2. Mau tonu ana te taupoki, mamaoatia mō tōna 5 meneti, rurea hoki te kōhua kia kotahi, kia rua rānei nga wā, kia puare rā anō ngā kūtai.
  3. Tangohia atu i te tārahu, ka tuku ai kia mātao haere. Whiua ngā kota kīhai i puare. Kōwhāngia te kiko kūtai i ngā kota, ka kotikoti kōkautia ai. Tiakina te wē.
  4. Tāwhiuwhiuhia ngā tōhua, te miraka, me te ¼ o te kapu wē kūtai. Ki oko kē atu, koheria ngā kahu kia tāhungahunga rā anō (ka āhua 3 meneti).
  5. Āpitihia atu te kiko kūtai, te aniana me ngā rau amiami ki te ranunga tōhua, ka whakaranu atu ai i ngā kai whakauru maroke. Āta whētuihia atu ngā kahu.
  6. Ki te parai nui, whakamahanatia te hinu ki te tārahu wawaenga–wera (mā te pakeke koe e āwhina).
  7. Kokohia atu te ranunga ki te parai, ka tunu ai i ia taha mō te 2 meneti, kia kōuraura rā anō rānei.
  8. Toaitia ngā mahi ki te ranunga e toe ana. Tukuna ngā kao ki te tāora pepa kia mitia ai te hinu. Kainga me ngā kahi rēmana hei kīnaki.

Add your review

Honotapu

Toitū Te Reo! Hii...Rawe

Jennifer White

Iiiiama kai kutai ae oarejareka ana